ភ្នំពេញ៖ ម៉ោង៩ព្រឹក ថ្ងៃទី១៧ ខែវិច្ឆិកា ឆ្នាំ២០១៧ ស្ថិតនៅចំណុចលើស្ពានព្រះមុន្នីវង្សថ្មី ក្នុងសង្កាត់ច្បារអំពៅទី១ ខណ្ឌច្បារអំពៅ​ រាជធានីភ្នំពេញ មានរថយន្តហ្វុយហ្សូមួយគ្រឿងដឹកអង្ករមកពីខេត្តពោធិ៍សាត់ មកដាក់ឲ្យម៉ូយនៅច្បារអំពៅ បើកចុះស្ពានព្រះមុន្នីវង្សថ្មី ស្រាប់តែរបូតរទីល ដាក់លេខមិនចូល ខ្លាចជ្រុលទៅបុកគេឯង ក៏ប្រញាប់លោតចុះពីលើរថយន្តយកកំណល់មកកល់ តែមិនទាន់អស់ល្បឿនក៏បួងចង្កូតភ្លាមៗ​ទៅបុកផ្ទប់នឹងខឿនស្ពានឡើងទៅបុកបង្កាន់ដៃស្ពានបណ្តាលឲ្យបាក់អស់១ផ្ទាំង សំណាងរថយន្តមិនធ្លាក់​ចូលទឹក និងមិនបណ្តាលឲ្យនរណាម្នាក់របួស។ រថយន្ដដែលបង្ករគ្រោះថ្នាក់ខាងលើបានម៉ាកហ្វុយហ្សូ ធនធំក្បាលសកន្ទុយខៀវ ពាក់ស្លាកលេខ ព្រះសីហនុ 3A-1855 ដឹកអង្ករពេញលើរថយន្ត ចេញពីខេត្តពោធិ៍។ ក្រោយកើតហេតុ គេឃើញមានសមត្ថកិច្ចនគរបាលចរាចរណ៍ខណ្ឌច្បារអំពៅ អធិការរងទទួលផែនចរាចរណ៍និងសណ្តាប់ធ្នាប់ខណ្ឌច្បារអំពៅ បានចុះមកអន្តរាគមន៍សម្រួលចរាចរណ៍ជូនបងប្អូនប្រជាពលរដ្ឋ និងបានទាក់ទងទៅកាន់ចរាចរណ៍ក្រុង​ដើម្បីចុះមកវាស់វែងនាំយករថយន្តខាងលើទៅរក្សាទុកនៅការិយាល័យចរាចរណ៍ជើងគោក រង់ចាំដោះស្រាយគ្នាពេលក្រោយបន្តទៀត៕
រាជធានីភ្នំពេញ៖ ព្យាករណ៍អាកាសធាតុប្រចាំសប្តាហ៍ (ចាប់ពីថ្ងៃទី ១៧-២៣ វិច្ឆិកា ២០១៧) ៖ – ភ្លៀងនឹងបន្តធ្លាក់នៅតាមបណ្តារាជធានី-ខេត្តនានា ក្នុងនោះ រាជធានី-ខេត្តមួយចំនួន នឹងមានភ្លៀងធ្លាក់ពីបង្គួរទៅច្រើន។ – តំបន់ឆ្នេរ និងនៅលើផ្ទៃសមុទ្រ នឹងមានភ្លៀងធ្លាក់ច្រើនលាយឡំជាមួយខ្យល់បក់បោកខ្លាំង រលកសមុទ្រខ្ពស់ៗ ។ សូមបងប្អូនប្រជាពលរដ្ឋទាំងអស់គ្នាបង្កើតការប្រុុងប្រយ័ត្ន ដើម្បីចៀសវាងនៅគ្រោះថ្នាក់ផ្សេងៗដែលអាចកើតឡើងដោយយថាហេតុ៕  
ខេត្តកណ្ដាល ៖ វេលាម៉ោង ៦ និង ៤០នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៧ លោកតាវ័យ ៧៧ឆ្នាំម្នាក់ បានលង់ទឹកស្លាប់ត្រូវគេប្រទះឃើញ នៅចំណុចប្រឡាយ​តាហុក ស្ថិតក្នុងភូមិលេខ២ ឃុំប្រាសាទ ស្រុកស្អាង ខេត្តកណ្ដាល។ តាមប្រភពពីក្រុមគ្រួសារ បានឲ្យដឹងថា លោកតាមានឈ្មោះ សាន សែម អាយុ ៧៧ឆ្នាំ ជនជាតិខ្មែរ មុខរបរ កសិករ មានទីលំនៅភូមិលេខ៣ ឃុំប្រាសាទ ស្រុកស្អាង ខេត្តកណ្ដាល។ ជារៀងរាល់ព្រឹកលោកតាតែងតែទៅកាប់ឧសនៅចំណុចប្រឡាយតាហុក​ ហើយត្រលប់មកផ្ទះវិញនៅពេលល្ងាចជាធម្មតា ស្រាប់តែនៅថ្ងៃទី១៥ ខែវិច្ឆិកា ឆ្នាំ២០១៧ តាំងពីព្រឹកព្រលឹមរហូតដល់វេលាម៉ោង ១៧ និង ៣០នាទី ក្រុមគ្រួសារមិនបានឃើញលោកតាត្រលប់មកផ្ទះវិញដូចសព្វដងឡើយ។ ក្រុមគ្រួសារមានការភ្ញាក់ផ្អើល និងបាន​ហៅអ្នកជិតខាងឲ្យជួយតាមរកលោកតានៅចំណុចដែលលោកតាធ្លាប់ទៅកាប់ឧស តាំងពីម៉ោង ១៦ និង ១៥នាទី រហូតដល់ម៉ោង ១ យប់រំលងអាធ្រាត្រ ឈានចូលថ្ងៃទី​១៦ ខែវិច្ឆិកា ឆ្នាំ២០១៧ នៅតែរកមិនឃើញ។ លុះដល់វេលាម៉ោង ៦ និង ៤០នាទី ព្រឹកថ្ងៃទី១៦ ខែវិច្ឆិកា ឆ្នាំ២០១៧...
ខេត្តកណ្តាល ៖ កាលពីវេលាម៉ោង ២០ និង ៣០នាទី យប់ថ្ងៃទី១៦ ខែវិច្ឆិកា ឆ្នាំ២០១៧  ជនសង្ស័យ ៣នាក់ ត្រូវសមត្ថកិច្ចតាមចាប់ឃាត់ខ្លួនបាន ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចផ្លូវលំ ក្នុងភូមិ​ទួលត្នោតឃុំពើក ស្រុកអង្គស្នួល ខេត្តកណ្តាល។ ជនសង្ស័យទាំង៣នាក់ដែលឃាត់ខ្លួនមាន​៖​ ១-ឈ្មោះ សោម សុខ ភេទប្រុស អាយុ ២៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅបច្ចុប្បន្ន ភូមិអង្គសំណាង ឃុំពើក ស្រុកអង្គស្នួល ខេត្តកណ្តាល ២-ឈ្មោះ ធឿន ផានី ភេទប្រុស អាយុ ២២ឆ្នាំ មុខរបរ កម្មករ នៅភូមិទួលត្នោតឃុំ ពើកស្រុកអង្គស្នួល ខេត្តកណ្តាល  ៣-ឈ្មោះ សយ សាមីឌី ភេទប្រុស អាយុ ២៧ឆ្នាំ ជនជាតិខ្មែរ មុខរបរ កម្មកររោងចក្រ។ វត្ថុតាងចាប់យក រួមមាន ម្សៅក្រាមពណ៌សថ្លាសង្ស័យជាសារធាតុញៀន ១កញ្ចប់តូច, ទូរសព្ឌ័ដៃ ចំនួន ២គ្រឿង ម៉ាកហៃយ៉ា ពណ៌ស ១គ្រឿង...
រាជធានីភ្នំពេញ៖ កាលពីព្រឹកថ្ងៃទី​ ១៧ វិច្ឆិការ ២០១៧ មានករណីបុរសញៀនថ្នាំម្នាក់បានធ្វើអត្តឃាតចងក សម្លាប់ខ្លួនបង្ករមានការភ្ញាក់ផ្អើល ដែលហេតុការណ៍នេះបានកើតឡើងស្ថិតក្នុង​ សង្កាត់ សំរោងក្រោម ខណ្ឌពោធិ៍សែនជ័យ។​ បុរសដែលចងក សម្លាប់ខ្លួននេះត្រូវបានក្រុមគ្រួសារអះអាងថា ជាជនបែកថ្នាំ។ ក្រោយពេលកើតហេតុ សពបុរសបែកថ្នាំត្រូវក្រុមគ្រួសារយកទៅធ្វើបុណ្យតាមប្រពៃណីនៅសង្កាត់កើតហេតុខាងលើ៕
ភ្នំពេញ៖ កាលពីវេលាម៉ោង១១ៈ០០នាទីយប់ថ្ងៃទី​ ១៦ ខែវិឆិ្ឆកា ឆ្នាំ២០១៧ មានករណីគ្រថ្នាក់ចរាចណ៍មួយបានកើតឡើងរវាងរថយន្តហាយឡែនឌ័រមួយគ្រឿងបើកក្នុងស្ថានភាពស្រវឹង និងល្បឿនលឿនបានបើកមកបុកម៉ូតូពេញទំហឹងបណ្តាលអោយមនុស្សម្នាក់រងរបួសធ្ងន់ ចំណែកម៉ូតូជាប់ជាមួយរថយន្តអូសជិត៥០០ម៉ែត្រ ទៅមុខលែងរួច។ ហេតុការណ៍នេះកើតឡើងនៅតាមបណ្តោយផ្លូវសហព័ន្ធរុស្សីក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ តាមប្រភពព័តមានពីកន្លែងកើតហេតុបានប្រាប់អោយដឹងថា មុនពេលកើតហេតុគេឃើញបុរសម្នាក់បើករថយន្តមួយគ្រឿងម៉ាកហាយឡែនឌ័រ ពណ៍ទឹកប្រាក់ ពាក់ស្លាកលេខភ្នំពេញ2BF-7522 បើកក្នុងស្ថានភាពស្រវឹង និងល្បឿនលឿនលុះមកដល់ចំនុចកើតហេតុក៏រេចង្កូតទៅបុកម៉ូតូពីក្រោយបណ្តាលដោយអូសម៉ូតូជិត៥០០ម៉ែត្រតាំងពីចំនុចរង្វង់មូលចោមចៅរហូតមកដល់មុខព្រលានយន្តទើបរថយន្តទៅមុខលែងរួច។ និងបណ្តាលអោយបុរសម្នាក់រងរបួសធ្ងន់ភ្លាមៗត្រូវបានដឹកយកទៅសង្គ្រោះភ្លាមៗផងដែរ។ ចំណែករថយន្តរងការខូចខាតខ្ទេចមួយកំណាត់មុខទៅមុខលែងរួចរីឯអ្នកបើកបររងរបួសស្រាល។ ក្រោយកើតហេតុសមត្ថកិច្ចចុះមកដល់កន្លែងធ្វើការវាស់វែងនិងស្ទួចរថយន្តយកទៅរក្សាទុកនៅចរាចរក្រុង រងចាំដោះស្រាយគ្នាជាក្រោយ៕
ភ្នំពេញ ៖ វេលាម៉ោង ០៩និង ៣០នាទីយប់ ថ្ងៃទី ១៦ ខែ វិច្ឆិការ ឆ្នាំ ២០១៧ មានករណីចោរឆក់កាបូបមួយបានកើតឡើងបង្ករអោយមានការភ្ញាក់ផ្អើល ស្រ្តី០២នាក់ ត្រូវចោរមួយក្រុម ជិះម៉ូតូពីរគ្រឿង មានគ្នា០៤នាក់ បានធ្វើ សកម្មភាពឆក់ការបូប តែមិនបានសំរេច ព្រោះពេលធ្វើសកម្មភាព មានការ ប្រទាញប្រទង់គ្នា បណ្តាលអោយដួលម៉ូតូ ធ្វើអោយភ្ញាក់ផ្អើល ដល់បងប្អូនមហាជន នាំគ្នាព័ទ្ធចាប់បាន០១នាក់ និងម៉ូតូ០១គ្រឿង។​ ហេតុការណ៍នេះ ចោរឆក់នេះបានកើតឡើងនៅខាងលិច ស្ពានអាកាស៧មករា សង្កាត់ ទឹកថ្លា ខណ្ឌសែនសុខ រាជធានីភ្នំពេញ​ ហើយបានបណ្ដាលអោយនារីរងគ្រោះរងរបួសធស្រាល។ ក្រោយពេលពេលធ្វើសកម្មភាពឆក់ចោរម្នាក់ត្រូវប្រជាពលរដ្ឋស្វាគមន៍បែកក្បាលយ៉ាងដំណំ៕
រាជធានីភ្នំ​ពេញ៖ អតីត Miss Grand Cambodia​ ២០១៦ កញ្ញា ហេង ចន្ថា បាននិយាយថាភាពស្និតស្នាលភាពរវាងកញ្ញា និង នាយពាក់មីដែលជាកំពូលតារាកំប្លែងគឺគ្រាន់តែជាការរាប់អានគ្នាដូចជា បងនិងប្អូនតែប៉ុណ្ណោះ មិនអាចមានទំនាក់ទំនងស្នេហាដូចមហាជនមួយចំនួនលើកឡើងនោះទេ។ ដោយសារមានការថតរឿងជាមួយគ្នា ហើយក្នុងនាមនាយពែកមី ជាសិស្សច្បងដូច្នេះតែងតែមានការអប់រំ​ ណែនាំដល់កញ្ញាដែលជាសិស្សប្អូនប៉ុណ្ណោះ ហើយក្រោយពេល​ចប់កម្មវិធីម្ដងៗ កញ្ញានិងនាយពែកមី តែងតែទៅញាំអីជុំគ្នាជារឿងធម្មតា ប៉ុន្ដែកញ្ញាបានបន្ដរទៀតថា រាល់សកម្មភាពទាំងនេះគឺមិនអាចឈានដល់ទំនាក់ទំនងស្នេហានោះទេ គ្រាន់តែជាបងប្អូនរាប់អានគ្នាធម្មតាតែប៉ុណ្ណោះ។ យ៉ាងណាកញ្ញាថាការលើករឡើងបស់មហាជន វាគឹជាការយល់ច្រលំនោះទេ។ តែកញ្ញាប្រាប់បញ្ជាក់ផងដែរថាមួយរយះក្រោយនេះកញ្ញាពិតជាបានឧស្សាហ៍ទៅណាមកណាជាមួយនាយពែកមី ពិតប្រាដកមែនដោយសារតែកញ្ញាបានថតភាពយន្ដរឿងបណ្ដោងឆ្នាំងដី​​ ដែលតារាកំប្លែងនាយពែកមី ជាអ្នកដឹកនាំ ហើយបន្ទាប់ពីថតរឿងនេះចប់កញ្ញាថាលែងនឹងបានដើរជាមួយគ្នាទៀតហើយ។ ហើយកញ្ញា ហេង ចន្ថា ក៍បានស្នើរសុំដល់មហាជនទាំងអស់គ្នាសុំបញ្ចប់ពត៍មានថាកញ្ញា​ និងនាយពែកមី មានទំនាក់ទំនងគ្នាពីពេលនេះតទៅ ព្រោះកញ្ញា មិនចង់អោយមានការប៉ះពាល់ ដល់កិត្តិយសរបស់កញ្ញា ក៍ដូចជាក្រុមគ្រួសារនាយពែកមីផងដែរ៕
​រាជធានីភ្នំពេញ ៖ កាលពីវេលាម៉ោង ២០ និង ០០នាទី យប់ថ្ងៃទី១៥ ខែវិច្ឆិកា ឆ្នាំ២០១៧ ក្នុងរយៈពេលតែ ១ម៉ោង សោះមានគ្រោះថ្នាក់ចរាចរណ៍ ២ករណី ផ្ទួនៗគ្នា រវាងម៉ូតូុបុកម៉ូតូធ្វើអោយអ្នករងរបួសត្រូវដឹកយកទៅសង្គ្រោះបន្ទាន់នៅមន្ទីរពេទ្យ ស្រាប់តែរថយន្តកុងទីន័រ បើកបុកនិងរថយន្តឆ្លាមទៀត ធ្វើអោយសមត្ថកិច្ចចរាចរណ៍វិលមុខតែម្តង។​ ដែលហេតុការណ៍នេះបានកើតឡើងនៅតាមបណ្តោយផ្លូវ៣៧១ ស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ។ តាមប្រភពព័ត៌មានពីបងប្អូនប្រជាពលរដ្ឋ អោយដឹងថា ​គេឃើញម៉ូតូឌ្រីមសង់ ពាក់ស្លាកលេខ ភ្នំពេញ 1CS-9684 បុកនឹងម៉ូតូឌ្រីមសង់ ពាក់ស្លាក​លេខ កណ្តាល 1N-0188 ដូចគ្នា បណ្ដាលឲ្យរងរបួសធ្ងន់ទាំងសងខាង ត្រូវបានរថយន្តដឹកសង្គ្រោះបន្ទាន់ ហើយសមត្ថកិច្ចចរាចរណ៍មិនទាន់ធ្វើការវាស់វែងលើកម៉ូតូទាំង ២គ្រឿង ចូលខាងផង ស្រាប់តែមានរថយន្តកុងទីន័រ ១គ្រឿង ពាក់ស្លាកលេខ កំពង់ចាម 3A-4988 បុកប៉ះគ្នាជាមួយរថយន្តឆ្លាម ១គ្រឿងទៀត ពាក់ស្លាកលេខភ្នំពេញ 2O-3679 ធ្វើអោយកកស្ទះចរាចរណ៍យ៉ាងខ្លាំង។ ក្រោយកើតហេតុ សមត្ថកិច្ចចរាចរណ៍ចុះធ្វើការវាសវែងនាំយកម៉ូតូទាំង ២គ្រឿង លើកដាក់កៀនខាង ដើម្បីបញ្ចៀសការកកស្ទះ ហើយត្រូវយកម៉ូតូទាំង ២គ្រឿង ទៅរក្សាទុកនៅអធិការខណ្ឌដង្កោ រងចាំដោះស្រាយគ្នានៅពេលក្រោយ ចំណែករថយន្តកុងទីន័រ និងរថយន្តឆ្លាម ក៏ធ្វើការសម្របសម្រួលគ្នាកញ្ចប់រឿងនៅនឹងកន្លែងកើតហេតុផងដែរ៕ ...
ភ្នំពេញ៖ យុវជនម្នាក់វ័យប្រហែលជា២០ឆ្នាំជាងបើករថយន្តម៉ាកហាយឡែនឌ័រក្នុងល្បឿនលឿនមកបុកក្បាលថ្មចែកទ្រូងផ្លូវត្រង់ចំណុចផ្លូវបែកជាបួនបណ្តាលឲ្យបាក់ថ្មចែកទ្រូងផ្លូវអស់៣ផ្ទាំងចំណែកឯរថយន្តកំពិតមុខ ផ្ទុះពោងទាំង២ តែសំណាងល្អមិនបង្កឲ្យមានអ្នករងរបួស ។ ហេតុការណ៏នេះកើតឡើងការពីវេលាម៉ោង ២៣និង២០នាទីយប់ថ្ងៃទី ១៥ខែ វិច្ឆិកា ឆ្នាំ ២០១៧ ស្ថិតនៅតាមបណ្តោយផ្លូវម៉ៅសេទុង កែងផ្លូវ ១៩៣ សង្កាត់ ទួលស្វាយព្រៃទី១ ខណ្ឌចំការមន រាជធានីភ្នំពេញ ។ ម្ចាស់រថយន្តបង្កឈ្មោះហែន ផានិត អាយុ២៧ មានស្រុកកំណើតនៅស្វាយរៀង។ តាមប្រភពព័ត៍មានពីកន្លែងកើតហេតុបានឲ្យដឹងថាមុនពេលកើតហេតុគេឃើញយុវជនម្នាក់បើករថយន្តម៉ាកហាយឡែនឌ័រពណ៌ទឹកប្រាក់មួយគ្រឿងពាក់ស្លាកលេខភ្នំពេញ 2AL-8452 ទិសដៅពីជើងទៅត្បូង ខណៈមកដល់ត្រង់ចំណុចផ្លូវបែកជាបួនបត់ទៅលិចតាមបណ្តោយផ្លូវម៉ៅសេទុងតែក្នុងល្បឿនលឿនពេកបួងចង្កូតមិនទាន់ក៏ជ្រុលទៅបុកក្បាលថ្មពុះចែកទ្រូងផ្លូវធ្វើឲ្យខូចខាតទ្រូងផ្លូវ៣កំណាត់ហើយរថយន្តវិញខ្ទេចផ្នែកខាងមុខស្ទើរតែទាំងស្រុងហើយផ្ទុះពោងសុវត្ថិភាពតែសំណាងល្អមិនបង្កឲ្យមានអ្នករងរបួស ។ ក្រោយពេលកើតហេតុស មត្ថកិច្ចចុះមកដល់វាស់វែងស្ទូចយករថយន្តបង្ករទៅរក្សាទុកដើម្បីដោះស្រាយគ្នានៅថ្ងៃក្រោយ៕