កាលពីវេលាម៉ោង១ និង៣៩នាទីរសៀលថ្ងៃទី១៤ ខែមិថុនា ឆ្នាំ២០១៩នេះ នៅចំណុចមុខស្នាក់ការគណបក្សស្រុកត្បូងឃ្មុំ ភូមិទួលវិហារ ឃុំជីរោទ៍ទី២ ស្រុកត្បូងឃ្មុំ មានករណីឃាតកម្ម បង្កឡើងដោយជនល្មើសជាប្តី ឈ្មោះ ព្រាប ម៉ាយ ភេទប្រុស អាយុ២៣ឆ្នាំ បានយកកាំបិត កាប់ប្រពន្ធឈ្មោះ ជុំ ធារី អាយុ១៧ ឆ្នាំជាច្រើនកាំបិត បណ្តាលឲ្យស្លាប់នៅហ្នឹងកន្លែងកើតហេតុ។ តាមការអះអាងរបស់ឪពុកជនរងគ្រោះបានឲ្យដឹងថាៈ ប្តីប្រពន្ធខាងលើ ក្នុងមួយរយៈក្រោយនេះតែងតែមានជម្លោះពាក្យសំដីជាមួយគ្នាជាញឹកញាប់ ហើយប្រពន្ធក៏បានចុះចេញពីឪពុកម្តាយខាងប្រុស ដែលនៅជិតគ្នា មករស់នៅជាមួយឪពុកម្តាយបង្កើតរបស់ខ្លួន លុះដល់រសៀលថ្ងៃនេះ ប្តីបានទៅរករឿងប្រពន្ធ និងបង្ករជម្លោះរហូតឈានដល់ការដេញកាប់សម្លាប់។ មូលហេតុនៃជម្លោះបណ្តាលមកពីការប្រច័ណ្ឌ ។ បន្ទាប់ពីធ្វើសកម្មភាពជនល្មើសបានរត់គេចខ្លួនបាត់ កម្លាំងសមត្ថកិច្ចកំពុងស្វែងរកចាប់ខ្លួនមកផ្តន្ទាទោសតាមច្បាប់៕
ស្វាយរៀង៖ កាលពីវេលាម៉ោងប្រមាណ៨យប់ ថ្ងៃទី១៣ ខែមិថុនា ឆ្នាំ២០១៩ កម្លាំងនគរបាលការពារព្រំដែនលេខ៦១១ បានចេញល្បាតតាមខ្សែក្រវ៉ាត់ព្រំដែនត្រង់ចំណុចបង្គោលព្រំដែនលេខ១៧០ ស្លាបខាងឆ្វេងច្រកទ្វារអន្តរជាតិបាវិត ក៏បានជួបនឹងជនសង្ស័យម្នាក់ដើរកាត់វាលស្រែក្បែរចំការប្រេងខ្យល់ ដោយមានយួរវ៉ាលីធំមួយ សមត្ថកិច្ចក៏បានហៅឲ្យឈប់ដើម្បីសួរនាំ ប៉ុន្តែជនសង្ស័យឮសមត្ថកិច្ចហៅឲ្យឈប់ក៏បានទម្លាក់វ៉ាលីនោះចោល ហើយរត់គេចខ្លួនចូលចម្ការប្រេងខ្យល់បាត់តែម្តង។ ក្រោយមក សមត្ថកិច្ចបានធ្វើការត្រួតពិនិត្យឆែកឆេរក្នុងវ៉ាលីសនោះ សមត្ថកិច្ចបានរកឃើញម្សៅក្រាមពណ៌សថ្លា ដែលសង្ស័យថាជាគ្រឿងញៀនប្រភេទអំហ្វេតាមីនចំនួន១៧ដុំ ដែលស្មើនឹងប្រមាណ១៧គីឡូក្រាម។ លោក កែវ សុថា ស្នងការរងខេត្តស្វាយរៀង ទទួលបន្ទុកផែនគ្រឿងញៀន បានឲ្យដឹងថា ករណីនេះ ជនសង្ស័យប្រុងនាំយកគ្រឿងញៀនទៅកាន់ប្រទេសវៀតណាម តែនៅពេលសមត្ថកិច្ចហៅឃាត់សួរ ជនសង្ស័យភ័យក៏រត់បាត់ទៅ។ តែយ៉ាងណាក៏ដោយ ពេលនេះលោកកំពុងទាក់ទងធ្វើការជាមួយភាគីវៀតណាម ធ្វើការងារលើករណីនេះ ដើម្បីស្រាវជ្រាវរកមុខសញ្ញាពាក់ព័ន្ធ។ បច្ចុប្បន្នវត្ថុតាងគ្រឿងញៀនទម្ងន់១៧គីឡូក្រាម កំពុងត្រូវរក្សាទុកនៅប៉ុស្តិ៍ព្រំដែនធ្លក ដើម្បីរៀបចំនីតិវិធី នាំយកទៅកាន់ស្នងការដ្ឋាននគរបាលខេត្តស្វាយរៀង៕
បាត់ដំបង៖ ប្ដីចិត្តឃោឃៅព្រៃផ្សៃបំផុតបានប្រើអំពើហឹង្សាកាប់ទៅលើប្រពន្ធខ្លួនឯងអោយរងរបួសយ៉ាងធ្ងន់ធ្ងហេតុការណ៍នេះបានកើតឡើងនៅវេលាម៉ោង១៧ និង៤០នាទីល្ងាច ថ្ងៃទី១៣ ខែមិថុនា ឆ្នាំ២០១៩ នៅចំណុចផ្ទះលេខ១៦៩ ក្រុម១៣ ស្ថិតនៅក្នុងភូមិដំណាក់ហ្លួង សង្កាត់វត្តគ ក្រុងបាត់ដំបង ខេត្តបាត់ដំបង។ ជនសង្ស័យមានឈ្មោះ រ៉ាត់ចិត្រា ភេទប្រុស អាយុ២៨ឆ្នាំ មានទីលំនៅក្នុងភូមិកើតហេតុខាងលើបានប្រើហឹង្សាកាប់ទៅលើប្រពន្ធឈ្មោះ សុខលីន អាយុ២៧ឆ្នាំ បណ្ដាលអោយរងរបួសធ្ងន់ធ្ងរហើយត្រូវបានក្រុមគ្រួសារបញ្ជូនសង្គ្រោះបន្ទាន់នៅមន្ទីពេទ្យយោធាភូមិភាគ៥(ពពីរ)ក្នុងខណ:ពេលនោះប្ដីស្មានថាប្រពន្ធស្លាប់ក៍រត់ទៅផ្ទះអ្នកជិតខាងរួចអាករសម្លាប់ខ្លួនឯងម្ដងទៅ។ បើតាមការបំភ្លឺរបស់បងប្រុសឈ្មោះ គង់ សុធារិន ភេទប្រុស អាយុ៤៧ឆ្នាំ បានបញ្ជាក់ថា នៅល្ងាចថ្ងៃទី១៣ ខែមិថុនា ឆ្នាំ២០១៩ វេលាម៉ោង១៧ និង២០នាទីពេលខ្លួនអង្គុយផឹកស្រាបៀរនៅមុខផ្ទះជាមួយបងប្អូនស្រាប់តែឈ្មោះ រ៉ាត់ ចិត្រា ភេទ ប្រុស បានដើរមកផ្ទះរបស់ខ្លួនហើយបានខ្ចីកាំបិទខ្លួនសួរថាយកកាំបិទធ្វើអី វាប្រាប់ថាខ្ចីធ្វើទូរស័ព្ទ វាក៍ដើរមកជិតកាំជណ្ដើរផ្ទះរួចស្រាប់តែអាករខ្លួនឯងម្ដងទៅ។ មូលហេតុមកពីជនសង្ស័យប្រចន្ទនឹងប្រពន្ធទើបឈាងទៅដល់ប្រើហឹង្សាកាប់ទៅប្រពន្ធអោយរងរបួសធ្ងន់ធ្ងរ។ ក្រោយពេលកើតហេតុកម្លាំងជំនាញមកដល់កន្លែងកើតហេតុពិនិត្យមើលជនសង្ស័យរកឃើញថាជនសង្ស័យពិតជាអាករសម្លាប់ខ្លួនឯងពិតប្រាកដមែនចំណែកសាសពសម្ថតកិច្ចបានប្រគល់ជូនទៅអោយក្រុមគ្រួសារយកទៅធ្វើបុណ្យតាមប្រពៃណី៕
ពោធិ៍សាត់៖ ទណ្ឌិតម្នាក់បានចងកធ្វើអត្តឃាតនៅមណ្ឌលអប់រំកែប្រែទី៤ តែត្រូវបានមន្ត្រីអនុរក្សពន្ធនាគារដើរល្បាត និងជួយសង្គ្រោះ រួចបញ្ជូនសង្គ្រោះបន្ទាន់ ក៏ប៉ុន្តែជាអកុសល ទណ្ឌិតរូបនោះ បានប្រកាច់ដាច់ខ្យល់ស្លាប់នៅមន្ទីរពេទ្យបង្អែកខេត្តពោធិ៍សាត់ តាមបំណងតែម្តង។ ហេតុការណ៍នេះបានកើតឡើង កាលពីវេលាម៉ោង២១ និង១៥នាទី ថ្ងៃទី១០ ខែមិថុនា ឆ្នាំ២០១៩ នៅក្នុងមណ្ឌលកែប្រែទី៤ (ម៤) ស្ថិតក្នុងនៅភូមិព្រហ្បស្តិ៍ក្បាល ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។ ជនរងគ្រោះមានឈ្មោះ ប៊ុន សុធី ភេទប្រុស អាយុ៣៣ឆ្នាំ ជាទណ្ឌិតជាប់ ឃុំឃាំង នៅមណ្ឌលអប់រំកែប្រែទី៤ ក្នុងករណីមនុស្សឃាតគិតទុកជាមុន ត្រូវផ្តន្ទាទោសតាមមាត្រាទី៣ នៃច្បាប់ស្តីពីស្ថានទម្ងន់ទោសនៃបទឧក្រិដ្ឋហើយ ត្រូវផ្ទន្ទាទោសចាប់ពី១៥ឆ្នាំ និងធ្វើការឃុំខ្លួនតាំងពីថ្ងៃទី២៥ ខែតុលា ឆ្នាំ ២០០៨ មកដល់ពេលនេះ មានរយៈពេល១១ឆ្នាំមកហើយ។ ទណ្ឌិតជាជនរងគ្រោះ ត្រូវបានស្លាប់ពេលបញ្ជូនមកដល់មន្ទីរពេទ្យបង្អែកខេត្ត រយៈពេល២ថ្ងៃ ខណៈដែលយប់ជ្រៅ មិនទាន់មានក្រុមគណៈកម្មការជំនាញមកពិនិត្យ សាកសពជនរងគ្រោះ ត្រូវបានតម្កល់រួម នៅក្នុងបន្ទប់សង្គ្រោះបន្ទាន់ នៃមន្ទីរពេទ្យបង្អែកខេត្តពោធិ៍សាត់។ លុះព្រឹកឡើងថ្ងៃទី១២ ខែមិថុនា ឆ្នាំ២០១៩ ក្រុមគណៈកម្មការជំនាញ បានចុះមកពិនិត្យ នៅកន្លែងកើតហេតុឃើញថា ទណ្ឌិតជាជនរងគ្រោះ បានយកក្រមាចងក និងចម្រឹងបង្អួច ក្នុងមណ្ឌលអប់រំកែប្រែទី៤(ម៤) អគារB បន្ទប់B1 និងបានប្រគល់សាកសព ជូនក្រុមគ្រួសាររៀបចំធ្វើបុណ្យតាមប្រពៃណី៕...
ភ្នំពេញ៖ បុរស​ម្នាក់​បាន​​ស្លាប់ភ្លាមៗ​នៅ​នឹងកន្លែង​កើតហេតុ ខណៈបុរស​រូបនោះ​បានជិះ​ម៉ូតូ​ក្នុង​ល្បឿនលឿន​ បាន​ជ្រុលទៅ​បុក​នឹង​រថយន្ត​ដឹក​ធុង​ហ្គាស​ រថយន្ត​ក្រុមហ៊ុន​ តារា​ ស៊ី​ធី​ហ្គាស​ ដែល​ឈប់​ស្ងៀម​ នៅលើពីក្រោយ​ពេញទំហឹង​ កាលពីវេលាម៉ោង​១១ និង​៥០នាទី​យប់ថ្ងៃទី​១៣​ ខែ​មិថុនា​ ឆ្នាំ​២០១៩​ ជិត​និង​ភោជនីយដ្ឋាន​ 8888 ផ្លូវ៥០ម៉ែត្រ​ ភូមិ​បាគូ​ សង្កាត់​ដង្កោ​ ខណ្ឌដង្កោ​។ ​ សពជនរងគ្រោះ​ មានឈ្មោះ​ រិន​ កាមិត្ត​ ភេទប្រុស​ អាយុ​៣១ឆ្នាំ​ មុខរបរ​ កម្មករ​សំណង់​ ស្នាក់នៅ​ ភូមិ​ស្រុក​ចេក​ សង្កាត់​ជើង​ឯក​ ខណ្ឌ​ដង្កោ​ មានស្រុកកំណេីត​ ស្រុក​បាទី​ខេត្តតាកែវ​ និងមានប្រពន្ធឈ្មោះ គឹម ហ៊ាង អាយុ២២ឆ្នាំ ជនជាតិខ្មែរ មុខរបរធ្វើការរោងចក្រ ស្នាក់នៅជាមួយប្តីខាងលើ មានស្រុកកំណើតនៅស្រុកត្រាំងកក់ ខេត្តតាកែវ មានកូនស្រីតូច២នាក់ ។ ដោយជិះម៉ូតូ​ម៉ាក​ ឌ្រីមសង់​ សេរី​២០១៥​ ពណ៌ខ្មៅ​ ពាក់ស្លាកលេខ​ ភ្នំពេញ​ 1CR-8373 ។ ​ ចំណែក​រថយន្ត​ ដឹក​ស៊ី​ទែន​ហ្គាស​ របស់ក្រុមហ៊ុន​ តារា​ធី​ស៊ី​ ហ្គាស​ ចំនុះ​១​តោន​កន្លះ​ ម៉ាក​ហ៊ីយ៉ានដាយ​ ពណ៌ខៀវ​ ពាក់ស្លាកលេខ​...
ភ្នំពេញ៖ កាលពីវេលាម៉ោង២០ និង១៥នាទី​ ថ្ងៃទី១៣​ ខែមិថុនា​ ឆ្នាំ២០១៩ រថយន្តស៊េរីទំនើបម៉ាកឡិចស៊ីស៤៧០ ១គ្រឿង របស់លោកវរសេនីយ៏ទោ គង់ វាសនា នាយរងសេនាធិការកងរាជអាវុធហត្ថខេត្តកំពង់ស្ពឺ បើកបញ្រ្ចាស់ផ្លូវ ទៅបុករះម៉ូតូជាច្រេីនគ្រឿង បណ្តាលឲ្យមនុស្សជាច្រើននាក់រងរបួសធ្ងន់ស្រាល នៅតាមបណ្តោយមហាវិថី សហពន្ធ័រុស្សី​ ចំណុចស្កុបក្តាន់ពីរ ស្ថិតនៅក្នុងសង្កាត់មិត្តភាព ខណ្ឌ៧មករា​ រាជធានីភ្នំពេញ​។ យោងតាមប្រភពព័ត៌មានពីកន្លែងកេីតហេតុបានអោយដឹងថា​ ៖​ មុនពេលកេីតហេតុ​ គេបានឃេីញ​ បុរសម្នាក់​ បេីករថយន្តស៊េរីទំនេីប​ម៉ាកឡិចស៊ីស៤៧០ ១គ្រឿង​ ពណ៍ខ្មៅ​ពាក់ស្លាកលេខភ្នំពេញ2K-1668​ ធ្វេីដំណេីរតាមបណ្តោយមហាវិថី​ សហព័ន្ធរស្សុី​ ក្នុងទិសដៅពីកេីតទៅលិច​ ខណ:មកដល់ចំណុចស្កុបក្តាន់ពី​ កន្លែងកេីតហេតុ ស្រាប់តែអ្នកបេីកបរបួងចង្កូត​ បេីកបញ្រ្ចាសផ្លូវ​ ជ្រុលទៅបុករះម៉ូតូជាច្រេីនគ្រឿង​ ដែលកំពុងតែឈប់ស្តុប​ អស់ជាច្រេីនគ្រឿង​ បណ្តាលអោយមានមនុស្សជាច្រេីននាក់​ បានរងរបួសធ្ងន់ស្រាល​ ត្រូវបានបញ្ជូនទៅមន្ទីរពេទ្យភ្លាមៗ​ បង្កឲ្យមានការភ្ញាក់ផ្អើលយ៉ាងខ្លាំង​ ដល់បងប្អូនប្រជាពលរដ្ឋនិងសមត្ថកិច្ចចុះមកអន្តរាគមន៍​ ឃាត់ខ្លួនអ្នកបេីកបរយកមកប៉ុស្តិ៍ដេីម្បីធ្វេីការសាកសួរភ្លាមៗតែម្តង​។ ក្រោយពេលកើតហេតុ​ កម្លាំងសមត្ថកិច្ចជំនាញបានចុះមកធ្វេីការវាស់វែងយករថយន្ត និងម៉ូតូរងគ្រោះទាំងអស់​ ទៅរក្សាទុកនៅ​ ការិយាល័យចរាចរណ៍ជេីងគោក​នៃស្នងការនគរបាលរាជធានីភ្នំពេញ​ ដើម្បីរង់ចាំការដោះស្រាយនៅពេលក្រោយ​ ៕
បាត់ដំបង៖ អនុវត្តតាមដីការរបស់តុលាការ ខេត្តបាត់ដំបង សមត្ថកិច្ចជំនាញខេត្ត បានសហការជាមួយសមត្ថកិច្ចជំនាញខេត្តកំពង់ធំ ស្រាវជ្រាវរហូតចាប់ខ្លួនបានបក្ខពួកម្នាក់ ដែលធ្វើសកម្មភាពប្លន់សម្លាប់ជនរងគ្រោះ នៅខេត្តបាត់ដំបង និងរត់គេចមកពួនសំងំ នៅក្នុងទឹកដីខេត្តកំពង់ធំ។ បើតាមលោកឧត្តមសេនីយ៍ត្រី ជេត វណ្ណនី ស្នងការរងនគរបាលខេត្តបាត់ដំបង ទទួលផែនព្រហ្មទណ្ឌ បានឱ្យដឹងថា ននៅថ្ងៃទី១៣ ខែមិថុនា ឆ្នាំ២០១៩នេះ បន្ទាប់ពីបានចម្លើយសារភាពរបស់ជនដៃដល់២នាក់ ដែលសមត្ថកិច្ចចាប់ខ្លួន បានសារភាពថា នៅមានបក្ខពួកខ្លួមម្នាក់ទៀត កំពុងតែរត់គេចខ្លួនទៅខេត្តកំពង់ធំ។ បន្ទាប់ពីទទួលបានចម្លើយសារភាពពីបក្ខពួកចោរប្លន់ទាំងពីនាក់រួចមក សមត្ថកិច្ចជំនាញ ក៏បានសុំដីការពីតុលាការខេត្ត ដោយមានសហការជាមួយសមត្ថកិច្ចនគរបាលខេត្តកំពង់ធំ ចុះស្រាវជ្រាវឈានដល់ការចាប់ខ្លួនបក្ខពួកជនដៃដល់ម្នាក់ទៀត នៅវេលាម៉ោង១៩៖០០នាទី ថ្ងៃទី១២ ខែមិថុនា ឆ្នាំ២០១៩ ម្សិលមិញ នៅចំណុចភូមិពោធិខាវ ឃុំត្បូងប្រពើ ស្រុកសន្ទុក ខេត្តកំពង់ធំ។ បន្ទាប់ពីឃាត់ខ្លួនបានជនសង្ស័យត្រូវបានសមត្ថកិច្ច បញ្ជូនមកខេត្តបាត់ដំបងវិញ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់៕
ភ្នំពេញ៖ ដំណឹងបឋម! កាលពីវេលាម៉ោង​៣ និង​១៥នាទីរសៀលថ្ងៃទី១៣ មិថុនា ឆ្នាំ​​២០១៩ មានករណីអគ្គិភ័យឆាប​​ឆេះយ៉ាងខ្លាំង​នៅ​កន្លែង​ប្តូរប្រេង​​ម៉ាស៊ីន​ម៉ូតូ និង​រថយន្ត ស្ថិត​ក្នុងសង្កាត់ទួលទំពូងទី២ ខណ្ឌ​ចំការ​មន ។ តាមសេចក្តីរាយការណ៍​​បាន​បន្ត​ថា ខណៈពេលនេះ​កម្លាំង​សមត្ថកិច្ច​​បាន​ចុះមក​ដល់កន្លែងកើតហេតុ និង​បានហៅ​រថយន្តពន្លត់អគ្គិភ័យ​មក​ជួយអន្តរាគមន៍បាញ់ពន្លត់​ផងដែរ ។ ចំពោះ​មូលហេតុ​បណ្តាល​ឱ្យ​កើតមាន​អគ្គិភ័យខាងលើនេះ គេមិនទាន់ដឹង​នៅឡើយទេ៕
រតនគិរី៖ ស្ដ្រីវ័យចំណាស់ម្នាក់ត្រូវបានកម្លាំងអាវុធហត្ថស្រុកកូនមុំធ្វើការឃាត់ខ្លួន ក្រោយពីស្រ្តីរូបនោះបានធ្វើទារុណកម្មទៅលើចៅប្រុស បង្កេីតខ្លួនឯងបណ្តាលឲ្យរងរបួសពេញដងខ្លួនយ៉ាងឃោឃៅ។ ករណីធ្វើទារុណកម្មទៅលើចៅបានកើតឡើងកាលពីវេលាម៉ោង៧ និង៣០នាទីយប់ ថ្ងៃទី១០ ខែមិថុនា ឆ្នាំ២០១៩ កន្លងទៅ នៅត្រង់ចំណុចការដ្ឋានទី៤ ក្នុងក្រុមហ៊ុនហ័ងអញ់ យ៉ាឡាយ ស្ថិតនៅក្នុងភូមិ៣ ឃុំស្រែអង្គ្រង ស្រុកកូនមុំ ខេត្តរតនគិរី។ ប្រភពពីមេបញ្ជាអាវុធហត្ថស្រុកកូនមុំ បានឲ្យដឹងថា ជីដូនឈ្មោះ លី ដារ៉ុង អាយុ៤៤ឆ្នាំ ជនជាតិខ្មែរ មុខរបរមេផ្ទះ មានទីលំនៅភូមិ/ឃុំកើតហេតុខាងលើ ត្រូវបានកងរាជអាវុធហត្ថស្រុកឃាត់ខ្លួនបញ្ជូនមកទីបញ្ជាការដ្ឋានអាវុធហត្ថខេត្តចាត់ការបន្ត។ ក្មេងប្រុសរងគ្រោះឈ្មោះ ឃឺម រាជ ភេទប្រុស អាយុមួយខួប៤ខែ រស់នៅក្នុងបន្ទប់ជាមួយជីដូនខាងលើ បន្ទាប់ពីឪពុកម្តាយក្មេងប្រុសខាងលើបានលែងលះគ្នា ហើយយកមកទុកឲ្យនៅជាមួយជីដូនបង្កើតចិញ្ចើមថែរក្សា។ បន្ទាប់ពីបានសាកសួរបំភ្លឺជុំវិញករណីធ្វើទារុកម្មទៅលើចៅរបស់ខ្លួនរួចមក ស្ដ្រីវ័យចំណាស់នោះត្រូវបានកម្លាំងអាវុធហត្ថកសាងសំណុំរឿងបញ្ជូន ទៅតុលាការកាលពីព្រឹកថ្ងៃទី១២ ខែមិថុនា ឆ្នាំ២០១៩ ដើម្បីចាត់ការបន្តតាមនិតិវិធីច្បាប់៕
ភ្នំពេញ៖ បុរសជាពូម្នាក់កំពុងអង្គុយដាក់គុយទាវហូបសល់ឲ្យឆ្កែស៊ីសុខៗ ស្រាប់តែក្មួយប្រុសពិការជើងជិះរទេះរុញមកដល់ បានយកឈើជ្រុង មកវាយពីក្រោយផ្ទួនៗបីឈើជ្រុង បណ្ដាលឲ្យប្រកាច់ស្លាប់ភ្លាមៗ ។ ហេតុការណ៍នេះ កើតឡើងកាលវេលាម៉ោង៤ និង៣០នាទីល្ងាចថ្ងៃទី១២ ខែមិថុនា ឆ្នាំ២០១៩ ស្ថិតតាមបណ្ដោយផ្លូវបេតុង ក្នុងភូមិត្រពាំងអាណន់ សង្កាត់គោករកា ខណ្ឌព្រែកព្នៅ។ ជនរងគ្រោះឈ្មោះ កែម សាវី ភេទប្រុស អាយុ៤៩ឆ្នាំ មុខរបរត់ម៉ូតូកង់បី ស្នាក់នៅភូមិត្រពាំងអាណន់ សង្កាត់គោករកា ខណ្ឌព្រែកព្នៅ។ ចំណែកជនដៃដល់ជាក្មួយឈ្មោះ ហេង ចាន់សុផល ភេទប្រុស អាយុ២៨ឆ្នាំ មុខរប នៅផ្ទះស្នាក់នៅផ្ទះកើតហេតុជាប់គ្នា (មានសារ ធាតុញៀនក្នុងខ្លួន)។ សាក្សីបានឲ្យដឹងថា មុនពេលកើតហេតុ ជនរងគ្រោះ និងក្មួយដែលជាជនដៃដល់ មិនដឹងថា មានទំនាស់ជាមួយគ្នាពីរឿងអ្វីនោះទេ គឺគេគ្រាន់តែដឹងថា ជនដៃដល់ធ្លាប់ប្រើប្រាស់គ្រឿងញៀន ហើយសព្វថ្ងៃរស់នៅជាមួយម្ដាយ ដោយធ្វើបាបម្ដាយពេក ទើបម្ដាយទៅនៅក្នុងវត្តបួសធ្វើយាយជី ហើយស្រ្តីជាម្ដាយតែងតែយកបាយពីវត្ត មកឲ្យកូនជាជនសង្ស័យហូបរាល់ថ្ងៃ តែជួនកាលកូនរបស់គាត់ មកចាប់ច្របាច់កប្រុងសម្លាប់គាត់ តែបានបងប្អូនឃើញជួយទាន់ក៏មានដែរ។ សាក្សីបានឲ្យដឹងបន្តទៀតថា នៅថ្ងៃកើតហេតុ ក្រោយពីជនរងគ្រោះជាពូមកពីរត់ម៉ូតូកង់បី បានទិញគុយទាវមួយចានមកហូបនៅផ្ទះ តែគាត់ហូបមិនអស់ បានយកទៅដាក់ឲ្យឆ្កែរបស់គាត់ស៊ី ខណ:កំពុងតែអង្គុយដាក់គុយទាវឲ្យឆ្កែរបស់គាត់ស៊ីនោះ ស្រាប់តែជនដៃដល់ជាក្មួយជិះរទេះមកពីក្រោយ កាន់ឈើជ្រុងនៅដៃ មកវាយបំពងពីក្រោយ ផ្ទួនៗបីឈើជ្រុង បណ្ដាលឲ្យប្រកាច់ស្លាប់ភ្លាមៗ។ ក្រោយហេតុ...