Home ព័ត៌មាន

ព័ត៌មាន

គ្រោះថ្នាក់ចរាចរណ៍វាបានកើតឡើងស្ទើរតែរាល់ថ្ងៃ ដែលបានឆក់យកជីវិតមនុស្សជាច្រើននាក់ក្នុងមួយថ្ងៃៗ ជាក់ស្តែងកាលពីយប់ថ្ងៃទី ២៤ ខែមិថុនា ឆ្នាំ ២០១៩ នេះ ផេកមួយដែលមានឈ្មោះថា ក្តីស្រលាញ់ បានបង្ហោះវីដេអូដ៏សែនរន្ធត់មួយដែលបង្ហាញពីគ្រោះថ្នាក់ររាងម៉ូតូ និងរថយន្ត បានប៉ះគ្នា ធ្វើអោយខាងម៉ូតូបាត់បង់ជីវិតភ្លាមៗនៅនឹងកន្លែងកើតហេតុតែម្តង នេះបើតាមម្ចាស់ផេកបានសរសេរ។ ក្នុងនោះផេក ក្តីស្រលាញ់ ក៏បានសរសេរថា៖ វីដេអូគ្រោះថ្នាក់ចរាចរណ៍យប់មិញនៅលើស្ពានថ្មី៕ ខាងក្រោមនេះជាវីដេអូបង្ហាញពីការប៉ះគ្នារវាងរថយន្ត និងម៉ូតូ៖ https://www.facebook.com/tep.vanny.39/videos/827455257630815/?t=2 https://www.facebook.com/tep.vanny.39/videos/827455290964145/?t=0
ភ្នំពេញ៖ បុរសជាមន្ត្រីនគរបាលនាយរងការិយាល័យ ប្រឆាំគ្រឿងញៀន ក៤ម្នាក់ស្រវឹងស្រាបើករថយន្តមួយគ្រឿងមកឈប់រួចដកកាំភ្លើងAKស្វាយបត់មួយដើមបាញ់រះសំដៅទៅលើផ្ទះបោកអ៊ុតស៊េរីទំនើបជាង១០គ្រាប់រំសាយគុំនំចាស់ បង្កឲ្យការធ្ញាក់ផ្អើលកាពីវេលាម៉ោង១០និង៣០នាទី យប់ថ្ងៃទី២៤ខែ មិថុនានៅចំណុច ផ្ទះបោក អ៊ុតស៊េរីទំនើបមួយកន្កែង តាមបណ្តោយផ្លូវបេតុង ក្រោយមន្ទីពេទ្យរ៉ូយ៉ាល់ ភ្នំពេញ ភូមិទឹកថ្លា សង្កាត់ទឹកថ្លា ខណ្ឌសែនសុខ ។ តាមប្រភពព័ត៌មានពពីប្រជាពលបានឲ្យដឹងថាមុនកើតគេឃើញមានរថយន្តម៉ាកហុីយ៉ាន់ ស្តារិចពណ៌សមួយគ្រឿងពាក់ស្លាកលេខភ្នំពេញ2AX-9509 មកឈប់នៅចំណុចកើតហេតុហើយបានដកកាំភ្លើងបាញ់រះជាង១០គ្រាប់សំដៅទៅលើផ្ទះបោកអ៊ុនស៊េរីទំនើបបណ្តាលឲ្យធ្លុះធ្លាយទ្វារផ្ទះជាច្រើនគ្រាប់តែមិនបង្កឲ្យមានអ្នករងរបួស រួចបានបើករថយន្តចេញទៅបាត់ បន្ទាប់ប្រជាពលរដ្ឋបានរាយការណ៍ទៅសមត្ថកិច្ចភ្លាមៗ ។ លោក ហួម៉េងវាង អធិការដ្ឋាននគរបាលខណ្ឌសែនសុខបានប្រាប់ឲ្យដឹងថា ក្រោយពីទទួលបានថាមានករណីបាញ់បោះជា ច្រើនគ្រាប់ភ្លាមៗលោកបានដឹកនាំកម្លាងនគរបាលខណ្ឌសហការណ៍ជាមួយកម្លាំងប៉ុស្តិ៍នគរបាលរដ្ឋបាលទឹកថ្លា ចុះមកដល់កន្លែងកើតហេតុ និង បានសួនាំទៅលើម្ចាស់ផ្ទះរងគ្រោះរួចកំណត់មុខសញ្ញានិងធ្វើការ ស្រាវជ្រាវ ឈានដល់កាឃាត់ខ្លួនមន្តី្រនគរបាលដែលបានបាញ់រះជាគ្រាប់នោះមានឈ្នោះ ហេង សុវណ្ណារា ភេទប្រុស អាយុ៤៧ឆ្នាំ មុខរបរ នគរបាលមានតួនាទីនាយរងការិយាល័យប្រឆាំងគ្រឿងញៀន (ក៤)នៅចំណុចផ្ទះមួយកន្លែង ផ្លូវបេតុ ក្រោយផ្សារទឹកថ្លា ក្នុងសង្កាត់ទឹកថ្លា ខណ្ឌសែន និង បានដកអាវុធAKស្វាយបត់មួយដើមរួមជារថយន្តមួយគ្រឿងរួចបញ្ជូនមកអធិការដ្ឋាននគរបា លខណ្ឌសែនសុខភ្លាមៗ ។ លោកបានបញ្ជាក់ទៀតថាករណីបាញ់រះជាច្រើនគ្រាប់នេះជារឿងគំនុំចាស់តែមិន បានបញ្ជាក់ថារឿងគំនុំអីនោះទេ។ បច្ចុប្បន្នមន្ត្រីនគរបាលដែលបានបាញ់រះជាច្រើនគ្រាប់នោះសមត្ថកិច្ចកំពុងសួនាំបន្តនៅអធិការ ដ្ឋាននគរបាលខណ្ឌសែនសុខ ៕
​ព្រះសីហនុ​៖ រដ្ឋបាលខេត្ត​ព្រះសីហនុ បាន​ឲ្យ​ដឹងថា ប្រតិបត្តិ​ការរុករក​ជនរងគ្រោះ និង​កាយ​គំនរ​បាក់បែក​ពី​អគារ៧ជាន់ដែល​បាក់​រលំ នៅ​ក្រុងព្រះសីហនុ បាន​បិទ​បញ្ចប់​ជា​ស្ថាពរ​ហើយ កាលពី​យប់​ថ្ងៃទី​២៤ ខែមិថុនា ឆ្នាំ​២០១៩ ក្រោយ​ក្រុម​សង្គ្រោះ បាន​ប្រើ​ពេលវេលា រយៈពេល​៣​ថ្ងៃ ចាប់ពី​ព្រឹក​ថ្ងៃទី​២២ ខែមិថុនា ឆ្នាំ​២០១៩​មក​។​ មន្ត្រី​រដ្ឋបាលខេត្ត​ព្រះសីហនុ​បា​ឲ្យ​ដឹងថា សរុប​ជនរងគ្រោះ​ក្នុង​ហេតុការណ៍​អគារ​បាក់​រលំ​ខាងលើនេះ មាន​ចំនួន​៥៤​នាក់​។ ក្នុងនោះ​ជនរងគ្រោះ ដែល​ស្លាប់មាន​ចំនួន​២៨​នាក់ និង​អ្នករងរបួស​មាន​ចំនួន​២៦​នាក់​។​ ​ដោយឡែក ចំពោះ​ការខូចខាត​ទ្រព្យសម្បត្តិ​ផ្សេងៗ​ទាំង​ក្នុង​អគារ​រលំ​បាក់ និង​លំនៅដ្ឋាន របស់​ប្រជាពលរដ្ឋ​រស់នៅ​ក្បែរ​ខាង​អគារ​បាក់​រលំ​នេះ អាជ្ញាធរ​នៅ​មិនទាន់មាន​របាយការណ៍​សរុប​ពី​ចំនួន នៃ​ទំហំ​ការខូចខាត​នៅឡើយ​។​ ​គួររំលឹកថា អគារ​បាក់​រលំ​នេះ​ជា​កម្មសិទ្ធិរបស់​ថៅកែ​ជនជាតិ​ចិន ហើយ​ជា​សំណង់​កំពុង​សាងសង់​ថ្មី​មាន​កម្ពស់ ៧​ជាន់ មាន​បណ្តោយ​៣០​ម៉ែត្រ និង​ទទឹង​១៥​ម៉ែត្រ ស្ថិតនៅ​ភូមិ​៣ សង្កាត់​៤ ក្រុង​-​ខេត្ត​ព្រះសីហនុ​។ អគារ​នេះ បាន​បាក់​រលំ​ទាំងស្រុង​កាលពី​វេលា​ម៉ោង​ជិត ៥​ព្រឹក​ថ្ងៃទី​២២ ខែមិថុនា ឆ្នាំ​២០១៩​។​ ​តាមការអះអាងពី​មន្ត្រី​ជំនាញ​ឲ្យ​ដឹងថា អាគារ​បាក់​រលំ​នេះ គឺដោយសារ​បញ្ហា​បច្ចេកទេស​សំណង់​គ្មាន​គុណភាព។​ ​ទាក់ទិន​ករណី​បាក់​រលំ​អគារ​មាន​កំពស់ ៧​ជាន់​ខាងលើនេះ គឺ​ការយកចិត្តទុកដាក់​ខ្ពស់ និង​អញ្ជើញ​ចូលរួម​ដោយផ្ទាល់​ដល់ទី​តាំង​កើតហេតុ​ពី​សំណាក់ សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បាន​ចុះមក​ពិនិត្យ​កម្លាំងចម្រុះ ឬ​អ្នក​សង្គ្រោះ​អាជីព​, កងកម្លាំង​មាន​សមត្ថកិច្ច​ចម្រុះ ព្រមទាំង​ក្រុម​អ្នកស្ម័គ្រចិត្ត​កម្ពុជា​ច្រើន​រាប់រយ​នាក់ និង​ចូលរួម​ពី​អ្នកជំនាញ​ជនជាតិ​ចិន​ផង​នោះ បានធ្វើ​យុទ្ធនា​ការកាយ​គំនរ​បែកបាក់​ទាំងយប់​ទាំង​ថ្ងៃ ពោលគឺ​២៤​ម៉ោង​លើ ២៤​ម៉ោង ដើម្បី​សង្គ្រោះ​អ្នក​នៅ​រស់រានមានជីវិត និង​កាយ​យក​សាកសព ដែល​បាន​ជាប់គាំង​ក្នុង​គំនរ​បេតុង​បែកបាក់​ស្រុត...
ព្រះសីហនុ៖ ក្រុមប្រតិបត្តិការសង្គ្រោះបានឲ្យដឹងថា គិតត្រឹមម៉ោង០៤៖១៥នាទី រសៀលថ្ងៃទី២៤ ខែមិថុនា ឆ្នាំ២០១៩នេះ រកឃើញមនុស្សចំនួន៤នាក់ទៀតហើយ ប៉ុន្ដែ២នាក់បានបាត់បង់ជីវិត ដែលធ្វើឲ្យចំនួនអ្នកស្លាប់កើនដល់២៨នាក់ និងអ្នករបួស២៦នាក់ នៅក្នុងគំនរបាក់បែកនៃអគារ។ តុល្យការចុងក្រោយនៃឧបទ្ទវហេតុរលំអគារនេះ បានបណ្តាលឱ្យមនុស្សស្លាប់ និងរងរបួសចំនួន៥៤នាក់ ក្នុងនោះស្លាប់ចំនួន២៨នាក់ (ស្រី៤នាក់) ហើយអ្នករងរបួសចំនួន២៦រូប (ស្រី២នាក់)។ ក្រុមសង្គ្រោះនៅតែបន្តបេសកកម្មស្វែងរកមនុស្ស ដែលសង្ស័យថា អាចមាននៅក្នុងគំនរអគារដួលរលំនេះបន្តទៀត៕
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចេញសេចក្តីសម្រេចមួយ តែងតាំងលោក គន់ គីម ជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ជំនួស លោក ញឹម វណ្ណដា ដែលត្រូវបានដកចេញពីតំណែង។ តាមសេចក្តីសម្រេចរបស់រាជរដ្ឋាភិបាល ដែលបណ្តាញព័ត៌មាន Fresh News ទទួលបានភ្លាមៗនេះ បានឱ្យដឹងថា លោក គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស ត្រូវបានតែងតាំងជា អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ បន្ថែមលើតួនាទីនានា នាពេលបច្ចុប្បន្ន។ សេចក្តីសម្រេចនេះ ក៏បានបញ្ចប់តំណែង លោក ញឹម វណ្ណដា ពីអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយផងដែរ។ មូលហេតុដែលដកតំណែង លោក ញឹម វណ្ណដា ត្រូវបាន សម្តេចតេជោ ហ៊ុន សែន បញ្ជាក់ថា ដោយសារតែខ្វះការទទួលខុសត្រូវ និងភូតភរ ក្រោយឧបទ្ទហេតុ រំលំបាក់អគារ៧ជាន់ ដែលបណ្តាលឱ្យមនុស្សស្លាប់ និងរបួសរាប់សិបនាក់៕ ប្រភព Fresh News
តាមរយៈទំព័រហ្វេសបុកផ្លូវការសម្តេចតេជោ មុននេះបន្តិចបានឲ្យដឹងថា ៖ ក្នុងពេលបំពេញការងារនៅខេត្តព្រះ សីហនុ ឯកឧត្តម យន្ត មីន អភិបាលខេត្ត ព្រះសីហនុបានទទួលស្គាល់កំហុសលើ ការគ្រប់គ្រងក្នុងដែនសមត្ថកិច្ចរបស់ខ្លួន ដែលបណ្តាលអោយមានរឿងឈឺចាប់កើតឡើង។ គាត់បានស្នើរមកខ្ញុំ ដើម្បីលាលែងចេញពីអភិបាលខេត្តព្រះសីហនុ។ ខ្ញុំបានយល់ព្រមអោយគាត់លាលែង និងបានពិភាក្សាជាមួយ សម្តេច ស ខេង យក ឯកឧត្តម គួច ចំរើន ពីអភិបាលខេត្តកំពង់ចាម មកធ្វើជាអភិបាលខេត្តព្រះសីហនុវិញ។ ទោះជាមានការរៀបចំបែបនេះក៏ដោយក៏ ឯកឧត្តម យន្ត មីន នៅបន្តដឹកនាំយុទ្ធនាការរុករកនិងសង្រ្គោះតទៅទៀត រហូតចប់កិច្ចការ និងអភិបាលខេត្តថ្មីចូល កាន់តំណែង។ ខ្ញុំក៏សូមបញ្ជាក់ថាថ្ងៃនេះ ខ្ញុំបានសម្រេចចិត្តដក ឯកឧត្តម ញឹម វណ្ណដា ចេញពីតំណែងជាទេសរដ្ឋមន្ត្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយដោយមូលហេតុខ្វះការទទួលខុសត្រូវ និងភូតភរ៕
កណ្តាល៖ រថយន្តសាំងយ៉ុង ១គ្រឿង ខណៈដែលម្ចាស់បើកឆ្លងកំពង់ចម្លង ហើយម្ចាស់ចុះចេញដោះលេខចោល ស្រាប់តែរអិល ធ្លាក់ចូលទៅក្នុងទឹកទន្លេ តែសំណាងល្អ ដែលគ្មានមនុស្សនៅក្នុងរថយន្តនោះ ពុំនោះទេ ច្បាស់ជាមានមនុស្សគ្រោះថ្នាក់ជាមិនខាន។ ហេតុការណ៍រថយន្តចុះកំពង់ចម្លង បែរជារអិលធ្លាក់ចូលក្នុងទឹកទន្លេនេះ បានកើតឡើង កាលពីម៉ោងរំលងអធ្រាត្រ ឈានចូលថ្ងៃទី២៣ ខែមិថុនា ឆ្នាំ២០១៩ ស្ថិតនៅចំណុយចកំពង់ចម្លងព្រែកម៉ៅ ឃុំទឹកវិល ស្រុកស្អាង។ រថយន្តដែលធា្លក់ចូលក្នុងទឹកទន្លេ ម៉ាកសាំងយ៉ុង ពណ៌លឿង ពាក់ស្លាកលេខ កណ្តាល 2D-8009 ជារថយន្តដឹកអ្នកដំណើរ។ តាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ រថយន្តខាងកើតបានឹដឹកយាយៗជាច្រើននាក់ពេញក្នុងរថយន្ត ទើបតែត្រឡប់មកពីកម្មវិធីបុណ្យ ដោយមានបំណងឆ្លងកំពង់ចម្លង ខាងលើពីត្រើយខាងលិច ទៅត្រើយខាងកើត ។ លុះពេលមកដល់យាយៗបានចុះចេញពីរថយន្ត ហើយពេលនោះ តៃកុងរថយន្តមិនបានពន្លត់ម៉ាស៊ីនរថយន្តទេ និងដាក់លេខអក្សរ p ឲ្យបានត្រឹមត្រូវទេ រួចអ្នកបើកបរបានចុះពីរថយន្ត ដើរទៅមើលទូកដ ស្រាប់តែរថយន្តបានរអិលចុះចំណោតកំពង់ចម្លងធ្លាក់ចូលក្នុងទឹកទន្លេតែម្តង។ ក្រោយកើតហេតុ ម្ចាស់រថយន្តមិនបានប្តឹងផ្តល់ម្ចាស់កំពង់ចម្លងទាមទារសំណងអ្វីឡើយ ហើយក៏មិនរំខានអាជ្ញាធរនាំតែឈីក្បាលវិលមុខដែរ ព្រោះយល់ថាការធ្វេសប្រហែសរបស់ខ្លួន រួចបានជួលរថយន្តស្ទួចមកស្ទួចរថយន្តរបស់ខ្លួនចេញពីក្នុងទឹកទន្លេ ដើម្បីឲ្យជាងជួសជុលយកទៅប្រើបា្រស់វិញ៕
ភ្នំពេញ ៖ នៅលើ​បណ្ដាញ​ហ្វេ​សប៊ុក​ប៉ុន្មាន​ថ្ងៃនេះ មានការ​បង្ហោះ​រូបភាព​ចៅអធិការ​វត្ត​ពោធិ៍​ចិន​តុង​ដេក​ជាមួយ​ស្រី​ស្រស់ ហើយ​ថតរូប​សែ​ល​ហ្វី បង្ហាញ​ទឹកមុខ​ស្រស់ប៉ប្រឹម​នៅមុខ​កាមេរ៉ា ធ្វើឲ្យ​ពុទ្ធ​បរិស័ទ​ចំណុះជើងវត្ត​ក្ដៅក្រហាយ​ដេក​មិន​លក់ ចង់ដឹង​រឿងនេះ ថា​តើ​ពិត ឬ​មិន​ពិត ? លោក សេង សុ​មុនី អ្នកនាំពាក្យ​ក្រសួង​ធម្មការ​ និង​សាសនា នៅ​ព្រឹក​ថ្ងៃទី​២៤​មិថុនា នេះ ​បាន​ថ្លែង​ថា ក្រសួង​បាន​ចាត់​មន្ត្រី​ឲ្យ​បើក​កា​រ​ស៊ើបអង្កេត​ករណី​ចៅអធិការ​វត្ត​ពោធិ៍​ចិន​តុង​ហើយ តើ​ពិតជា​មាន​រឿង​បែបនេះ កើតឡើង ​ឬ​យ៉ាងណា​នោះ ? ព្រះ​តេជគុណ វ៉ាន វ​ន្នី ចៅអធិការ​វត្ត​ពោធិ៍​ចិនតុង រាជធានី​ភ្នំពេញ កំពុង​ល្បី​ខ្ទរខ្ទារ​ពេញ​បណ្តាញ​សង្គម​ហ្វេ​ស​ប៊ុ​ក ក្រោយ​បែកធ្លាយ​រូបភាព​ដេក​ជាមួយ​ស្រី ដែល​ធ្វើឲ្យ​អាប់ឱន​ដល់​តម្លៃ​ នៃ​ព្រះពុទ្ធ​សាសនា។​ មហាជន ​បាន​រិះគន់​យ៉ាង​ខ្លាំងក្លា​ជុំវិញ​បញ្ហា​នេះ ដែល​ខ្លួន​ជា​ព្រះសង្ឃ មិន​គួរ​ប្រព្រឹត្ត​អំពើ​អសីលធម៌ បែបនេះ​សោះ។​ នេះ​មិនមែនជា​លើក​ទី​១ ទេ សម្រាប់​រឿងរ៉ាវ ​នៃ​អំពើ​របស់​សង្ឃ​ទ្រុស្តសីល​មួយ​ចំនួន។ លើក​នេះ សង្ឃឹមថា ក្រសួង​ធម្មការ​ និង​សាសនា នឹង​មាន​វិធានការ​ឲ្យ​បាន​តឹងរ៉ឹង​បំផុត​ចំពោះ ព្រះចៅ​អធិការ​វត្ត​ពោធិ៍​ចិនតុង​រូបនេះ៕
ក្រុងព្រះសីហនុ៖ សេចក្តីរាយការណ៍ពីក្រុមប្រតិបត្តិការសង្គ្រោះបានឲ្យដឹងថា គិតត្រឹមវេលាម៉ោង០៨ និង៣០នាទីព្រឹកថ្ងៃទី២៤ ខែមិថុនា នេះសាកសពជនរងគ្រោះម្នាក់ទៀត ត្រូវបានគេរកឃើញនៅក្រោមគំនរបាក់បែករបស់អគារ។ គិតមកត្រឹមវេលាព្រឹកថ្ងៃទី២៤ ខែមិថុនានេះ ចំនួនសរុបជនរងគ្រោះនៅក្នុងហេតុការណ៍បាក់រលំអគារកំពស់៧នាក់នៅក្រុងព្រះសីហនុ មានចំនួន៤៩នាក់ក្នុងនោះស្លាប់២៥នាក់ និងរងរបួសចំនួន២៤រូប ហើយពេលនេះក្រុមជួយសង្គ្រោះនៅតែបន្តបេសកកម្មស្វែងរកមនុស្សបន្ថែមទៀត៕
ប្រជាជន​ខ្មែរ​នៅទូទាំង​ប្រទេស​ បាន​មានក្តីក្រៀមក្រំខ្លាំង​បំផុត​ ចំពោះ​ឧបទ្ទវហេតុ​បាក់​រលំ​អគារ​កម្ពស់​៧ជាន់​ ស្ថិត​នៅ​ក្នុង​ភូមិ​៣​ សង្កាត់​លេខ​៤​ ក្រុងព្រះសីហនុ​ ខេត្ត​ព្រះសីហនុ ​ដែលហេតុ​ការ​ណ៏ដ៏​រន្ធត់​នេះ​ បានសម្លាប់​មនុស្ស​ និង​បង្កជារបួស​អស់ជាច្រេីននាក់​ ហេីយក៏កំពុង​ត្រូវ​បាន​ធ្វើ​ការ​សង្គ្រោះ​បន្ទាន់​ផងដែរ​។ ដោយឡែក ព្រះករុណាព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចូលរួមរំលែកមរណៈទុក្ខ យ៉ាងក្រៀមក្រំបំផុតជាមួយក្រុម គ្រួសារនៃសពដែលជួបនៅ ឧបទ្ទវហេតុបាក់អាគារ៧ជាន់ នៅក្រុងព្រះសីហុន។ យោងតាមគេហទំព័រហ្វេសប៊ុករបស់ ព្រះមហាក្សត្រ ខ្មែរ នៅថ្ងៃទី២៣ ខែមិថុនា ឆ្នាំ ២០១៩ បានសរសេរថា “សូមចូលរួមរំលែកមរណៈទុក្ខ យ៉ាងក្រៀមក្រំបំផុតជាមួយ ក្រុមគ្រួសារនៃសព ព្រមទាំងជាមួយប្រជានុរាស្ត្រទូទាំងព្រះរាជាណាចក្រកម្ពុជា” ៕

Most popular

Recent posts