ភ្នំពេញ​៖ ​នារី​ម្នាក់​ស្លាប់​ភ្លាមៗ​នៅនឹង​កន្លែង​ បន្ទាប់ពី​បើក​ម៉ូតូ​សេ​១២៥​វ៉ា​ជែង​រថយន្តក្រុង​មិន​ផុត​ជ្រុល​ទៅបុក​ម៉ូតូ​លេ​ត​ច្រាសទិសគ្នាពេញទំហឹង​។ ​   ហេតុការណ៍​បានកើត​ឡើង​នៅតាម​ផ្លូវ​១៩៦២ ភូមិ​ក្រាំង​អង្ក្រង សង្កាត់​ក្រាំងធ្នង់​ខណ្ឌ​សែន​សុខ​កាលពី​ព្រឹក​ថ្ងៃទី​២២ ខែកុម្ភៈ​ឆ្នាំ​២០១៩​។​   ​នារី​ស្លាប់​នៅ​កន្លែង​មានឈ្មោះ កង ភារ​ម្យ អាយុ​២៥​ឆ្នាំ មុខរបរ កម្ម​ការ​នី​រោងចក្រ ស្នាក់នៅ​ភូមិ​ច្រេស សង្កាត់​គោក​ឃ្លាង ខណ្ឌ​សែន​សុខ រាជធានីភ្នំពេញ៕

ព្រះសីហនុ៖ កម្លាំងនគរបាលខេត្តព្រះសីហនុ កាលពីយប់រំលងអធ្រាត្រ ឈានចូលថ្ងៃទី២១ ខែកុម្ភៈ ឆ្នាំ២០១៩ នៅចំណុចភ្នំខៀវ ស្ថិតក្នុងភូមិ០១ សង្កាត់លេខ០២ ក្រុងព្រះសីហនុ បានឃាត់ខ្លួនជនសង្ស័យចំនួន៣៨នាក់ ក្នុងនោះមានជនជាតិចិន ចំនួន២៣នាក់ (បុរសចំនួន១១នាក់) និងស្ត្រីជនជាតិថៃ ចំនួន១៥នាក់។ មន្ត្រីនគរបាលប្រឆាំងបទល្មើសជួញដូរមនុស្ស នៃស្នងការដ្ឋាននគរបាលខេត្តព្រះសីហនុ បានឲ្យដឹងថា ដោយយោងតាមបទបញ្ជារបស់លោកឧត្តមសេនីយ៍ទោ ជួន ណារិន ស្នងការនគរបាលខេត្តព្រះសីហនុ កម្លាំងការិយាល័យប្រឆាំងបទល្មើសជួញដូរមនុស្ស ស្នងការដ្ឋាននគរបាលខេត្តព្រះសីហនុ បានសហការជាមួយកម្លាំងអធិការដ្ឋាននគរបាលក្រុងព្រះសីហនុ និងកម្លាំងប៉ុស្តិ៍រដ្ឋបាលសង្កាត់លេខ២ រួមជាមួយកម្លាំងអន្តរាគមន៍ បានធ្វើការឆ្មក់ចូលទីតាំងជួញដូរផ្លូវភេទចំនួន៣ទីតាំង ដែលជារបស់ជនជាតិចិន ដោយឃាត់ខ្លួនបានជនសង្ស័យ ចំនួន៣៨នាក់ ក្នុងនោះមាននបុរសចំនួន១១នាក់ និងបានរកឃើញវត្ថុតាងមួយចំនួនដែលបានបម្រើឲ្យបទល្មើសខាងលើ ក្នុងនោះមានស្រោមអនាម័យប្រើប្រាស់រួចហើយ និងស្រោមអនាម័យមិនទាន់ប្រើជាច្រើនផងដែរ។ បើតាមនគរបាលបញ្ជាក់ថា ចំពោះមេក្លោងក្នុងបទល្មើសជួញដូរផ្លូវភេទនេះ សមត្ថកិច្ច កំពុងធ្វើការស្រាវជ្រាវ និងកំណត់មុខសញ្ញា ដើម្បីបញ្ជូនខ្លួនទៅកាន់សាលាដំបូងខេត្ត បើទោះជាបុរសជនជាតិចិន ដែលនគរបាលបានឃាត់ខ្លួនទាំង១១នាក់នោះ ពុំទាន់ឆ្លើយសារភាពយ៉ាងណាក្តី៕

​ភ្នំពេញ​៖ ​កម្លាំង​កងរាជអាវុធហត្ថ​ខណ្ឌមានជ័យ​បាន​ឃាត់ខ្លួន​ជនសង្ស័យ​ចំនួន​៧​នាក់​ពាក់ព័ន្ធ​ករណី​គ្រឿងញៀន​និង​ដកហូត​បាន​ថ្នាំញៀន​ចំនួន​៦​កញ្ចប់​។ ​ការឃាត់ខ្លួន​នេះ​បានធ្វើ​ឡើង​នៅ​ភូមិ​ចំរើន​ផល​១ សង្កាត់​បឹងទំពុន​ទី​១ ខណ្ឌមានជ័យ​កាលពី​ថ្ងៃទី​២១ ខែកុម្ភៈ ឆ្នាំ​២០១៩ ។​ ​ជនសង្ស័យ​ដែល​ឃាត់ខ្លួន​ទី​១​មានឈ្មោះ ចាន់ រិទ្ធី ហៅ​ស៊ី ភេទ​ប្រុស អាយុ​៣៥​ឆ្នាំ​។​ទី​២,​ឈ្មោះ​គួច កុមារ​ពេជ្រ ភេទ​ប្រុស អាយុ ២៦​ឆ្នាំ ។​ទី​៣.​ឈ្មោះ ឈឹម បញ្ញា ហៅ​វេ​ង​/ ហ៊ីង ភេទ​ប្រុស អាយុ​៤០​ឆ្នាំ ទី​៤.​ឈ្មោះ ហ៊​ន ភា​រុណ ភេទ​ប្រុស អាយុ​២៥​ឆ្នាំ ទី​៥.​ឈ្មោះ រ៉​ន វណ្ណៈ ភេទ​ប្រុស អាយុ​២៤​ឆ្នាំ ទី​៦.​ឈ្មោះ ខឹម ចាន់​ឌី ភេទ​ប្រុស អាយុ​១៨​ឆ្នាំ និង​ទី​៧.​ឈ្មោះ ស៊ា​ក ពិសី ភេទ​ប្រុស អាយុ​២៧​ឆ្នាំ ។​ ​សមត្ថកិច្ច​ដកហូត​វត្ថុតាង​៖​ក្រាម​ស​ថ្លា​ចំនួន​៦​កញ្ចប់​,​ដែកកេះ​ចំនួន​៤,​ដាវ​ចំនួន​២​ដើម​,​ដែក​ចុង​ស្រួច​ចំនួន​១​ដើម​,​ទុយោ​ចូក​ថ្នាំ​ចំនួន​២​និង​ថង់​សម្រាប់​ច្រក​មួយចំនួន​។​លុះដល់​វេលា​ម៉ោង​៣​រសៀល​ថ្ងៃខែ​ឆ្នាំ​ដដែល តាមរយៈ​ការឆ្លើយ​សារភាព​របស់​ជនសង្ស័យ​ឈ្មោះ ស៊ា​ក ពិសី ភេទ​ប្រុស អាយុ​២៧​ឆ្នាំ បាន​ប្រាប់​ពី​បក្ខពួក ឈ្មោះ វី ភេទ​ស្រី និង​ឈ្មោះ ភ​ក្រ័ ភេទ​ប្រុស ស្នាក់នៅ​ផ្ទះជួល​លេខ​១២៨ បន្ទប់​លេខ​CN1​ផ្លូវ​១០BT...

​ភ្នំពេញ​៖​ រថយន្ត​ធុន​ធំ​២​គ្រឿង​បាន​បុក​គ្នា​ពេញទំហឹង​នៅ​ផ្លូវបំបែក​ជា​បួន​បណ្ដាលឱ្យ​រង​ការខូចខាត​យ៉ាងដំណំ តែ​គ្មាន​អ្នករងរបួស ។ ហេតុការណ៍​គ្រោះថ្នាក់​ចរាចរណ៍​នេះ​បានកើត​ឡើង នៅ​ចំណុច​ស្តុ​ប បា​គូរ ក្នុង​សង្កាត់​ដង្កោ​ខណ្ឌដង្កោ​វេលា​កាលពី​យប់​ថ្ងៃទី​២១ ខែកុម្ភៈ ​ឆ្នាំ​២០១៩​។​ ​សូមបញ្ជាក់​ផង​ដែល​មិនដឹង​ខាង​ណា​មិន​គោរព​ភ្លើងស្តុប​នោះទេ​ពីព្រោះ​ភ្លើងស្តុប​នៅ​លោត​ខៀវ​និង​ក្រហម​លៀង​ជាធម្មតា​។​ក្រោយពី​កើតហេតុ​សមត្ថកិច្ច​មូល​ដ្ឋា​ន​បាន​ចុះ​មកដល់​កន្លែងកើតហេតុ​ហើយក៏​វាស់វែង​យក​រថយន្ត​ទាំង​២​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ​រងចាំ​ដោះស្រាយ​គ្នា​នៅ​ថ្ងៃក្រោយ​៕

កំពង់ឆ្នាំង៖ កម្មការិនី៣០នាក់​ បានរងរបួសធ្ងន់ស្រាល ក្នុងហេតុការណ៍​គ្រោះថ្នាក់ចរាចរណ៍រថយន្តបើ​កគេចគោយន្ត បណ្តាលឲ្យ​ក្រឡាប់ កាលពីម៉ោង៤៖៣៥នាទីល្ងាច​ថ្ងៃព្រហស្បតិ៍​ ២រោច ខែមាឃ ឆ្នាំច សំរឹ​ទ្ធិស័កព.ស២៥៦២ ត្រូវនឹងថ្ងៃទី២១​ ខែកុម្ភៈ ឆ្នាំ២០១៩​ នៅចំណុចទំនប់ចុងកន្លែង ផ្លូវលំក្រាលក្រួសក្រហម ភូមិដកស្និត ឃុំច្រេស ស្រុកកំពង់ត្រឡាច ខេត្តកំពង់ឆ្នាំង​។ យោងតាមរបាយការណ៍របស់នគរបាលខេត្តកំពង់ឆ្នាំង បានឲ្យ​ដឹងថា​ មុនពេលកើ​តហេតុមានរថយន្តមួយគ្រឿងម៉ាក HYUNDAI ពណ៌ស​ ពាក់ស្លាកលេខបាត់ដំបង 3A-1941 បើកបរដោយឈ្មោះ ច្រឹក ភឿន ភេទប្រុស អាយុ២៤ឆ្នាំ​ ជនជាតិខ្មែរ រស់នៅភូមិក្បាលកោះ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ដឹកកម្មករ​ កម្មការិនីរោងចក្រ ចេញពីរោងចក្រឆ្ពោះមកផ្ទះវិញ ដោយបើកបរពីទិសខាងលិចឆ្ពោះទៅទិសខាងកើត ពេលបើកបរមកដល់ចំណុចខាងលើ  ក៏គេចពីគោយន្តកន្រ្តៃ១ គ្រឿង មិនស្គាល់ម៉ាក ដែលបើកបរមកពីទិសខាងកើតឆ្ពោះទៅទិសខាងលិច ក្នុងដំណើរច្រាស់ទិសគ្នា ភ្លាមនោះអ្នកបើកបររថយន្ត ក៏បានអែបខាងស្ដាំ ស្រាប់តែដីផ្លូវនោះ បានស្រុតកង់រថយន្តខាងស្ដាំ បណ្ដាលឲ្យ​ក្រឡាប់តែម្ដង។ ក្រោយកើតហេតុអ្នកបើកបរ រថយន្តបានគេចខ្លួន បន្សល់ទុកតែរថយន្តនៅនឹងកន្លែងកើតហេតុ។ របាយការណ៍សមត្ថកិច្ច បានបន្តថា ករណីខាងលើ​ បណ្តាលឲ្យ​រងរបួសមនុស្ស៣០នាក់ (ស្រី)​ របួសធ្ងន់៥នាក់ បញ្ជូនទៅពេទ្យកាល់ម៉ែត្រ២នាក់...

ភ្នំពេញ៖ យ៉ាងហោចណាស់មនុស្ស៤នាក់ បានរងរបួសធ្ងន់ ត្រូវបានរថយន្តសាមុយដឹកបញ្ចូនទៅសង្គ្រោះនៅឯមន្ទីរពេទ្យ ក្រោយពីជាប់ក្នុងអគារមានគ្រោះអគ្គិ​ភ័យឆាបឆេះ សាកលវិទ្យាល័យខេមរៈ​យ៉ាងសន្ធរសន្ធៅ​។ ហេតុកាណ៍នេះ​ កាលពីវេលាម៉ោង១ និង២០នាទីរំលងអធ្រាត្រ ឈានចូលថ្ងៃសុក្រ ទី២២ ខែកុម្ភៈ ឆ្នាំ២០១៩ នៅតាមបណ្ដោយផ្លូវ១៩៨៦ ក្នុងសកលវិទ្យាល័យខេមរៈ សង្កាត់ភ្នំពេញថ្មី​ ខណ្ឌ​សែនសុខ​ រាជធានី​ភ្នំពេញ​។ តាមប្រភពព័ត៌មានពីប្រជាពលរដ្ឋ បានឲ្យដឹងថា មុន​ពេលកើតហេតុ គេសង្កេតឃើញមានផ្សែងហុយចេញពីអគារសាកលវិទ្យាល័យខាងលើ ហើយក្រឡែកមើលខាងក្រោយ ស្រាប់តែមានអណ្ដាតភ្លើងឆេះយ៉ាងសន្ធោសន្ធៅតែម្ដង រួចពួកគាត់ក៏ទាក់ទងទៅសមត្ថកិច្ចមូលដ្ឋាន និងកម្លាំងអន្តរាគមន៍ពន្លត់អគ្គិ​ភ័យមកជួយពន្លត់ ។ ក្នុងគ្រាដែលមានហេតុការណ៍អគ្គិ​ភ័យខាងលើ​ ក៏មានមនុស្ស៤នាក់ ដែលស្នាក់នៅក្នុងសាលាបានជាប់នៅខាងក្នុង ដោយម្នាក់ៗមានភាពភ័យខ្លាច ក៏បានលោតពីលើអគារតែម្ដង បណ្ដាលឲ្យរបួសធ្ងន់ ស្រ្តី៤នាក់ ត្រូវបានក្រុមការងារសង្គ្រោះបន្ទាន់ដឹកតាម រថយន្តសាមុយបញ្ជូ​នទៅមន្ទីរពេទ្យភ្លាមៗ។ ក្នុងករណីអគ្គិភ័យខាងលើនេះដែរ មានខាងកម្លាំងសមត្ថកិច្ចមូលដ្ឋាន កម្លាំងកងរាជអាវុធហត្ថ កម្លាំងអន្តរាគមន៍ពន្លត់អគ្គិភ័យ និងបងប្អូនប្រជាពលរដ្ឋជាច្រើននាក់ បានជួយអន្តរាគមន៍បាញ់ពន្លត់ ដោយមានរថយន្តពន្លត់អគ្គិ​ភ័យជាង២០គ្រឿងបានមកដល់ តែប្រើទឹកអស់៧ឡានតែប៉ុណ្ណោះ ក៏រលត់ទៅវិញជាស្ថាពរ ក្នុងរយៈពេលមួយម៉ោង ។ សម្ភារៈ ដែលរងការខូចខាតរួមមាន ៖ ម៉ាស៊ី​នព្រីមមួយ និងម៉ូតូ២គ្រឿង ហើយចំពោះមូលហេតុ សមត្ថកិច្ច បានប្រាប់ឲ្យដឹងថា បណ្ដាលមកពីឆ្លងចរន្តអគ្គីសនី ។ សូមបញ្ជាក់ផងដែរថា ប្រជាពលរដ្ឋដែលនៅកន្លែងកើតហេតុបានសំណូមពរដល់អគ្គស្នងការនគរបាលជាតិ មេត្តាពង្រឹងផ្នែកអគ្គិ​ភ័យ ពេលណាមានអគ្គិ​ភ័យនៅជាន់ទី១ ទី២ ឬជាន់ខ្ពស់និង សូមមេត្តាយកឡានដែលមានជណ្តើរមកមុន ដើម្បីបង្ការ...

ព្រះសីហនុ៖ សមត្ថកិច្ចរកឃើញជនជាតិចិនពាក់ពន្ធ័នឹងបទល្មើសគ្រឿងញៀននៅក្នុងហេតុការណ៍គ្រោះថ្នាក់ចរាចរណ៍ កាលពីវេលាម៉ោង៣ និង៤០នាទីទៀបភ្លឺថ្ងៃទី ២១ ខែកុម្ភៈ ឆ្នាំ២០១៩ លើផ្លូវជាតិលេខ៤ចន្លោះគីឡូម៉ែត្រលេខ១៥៧-១៥៨ ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ ។ តាមប្រភពបានអោយដឹងថា ដំបូងជាហេតុការណ៍គ្រោះថ្នាក់ចរាចរណ៍ រវាងរថយន្ត ម៉ាកព្រូស ពណ៌ស ពាក់ផ្លាកលេខ ភ្នំពេញ2AS -0632 មានទិសដៅ ភ្នំពេញ ទៅក្រុងព្រះសីហនុជិះគ្នា០៣នាក់( ជាជនជាតិចិន )មកដល់ចំណុចខាងលើ រថយន្តនេះមានល្បឿនលឿនរេចង្កូតទៅឆ្វេងដៃ ជ្រុលបុករថយន្តធំមួយគ្រឿងម៉ាក ហុីយ៉ានដាយ ពណ៌ក្រហម ពាក់ផ្លាកលេខភ្នំពេញ 3B-6407 (មិនទាន់ស្គាល់អ្នកបើកបរ) ដែលឈប់ចតសម្រាកនៅចិញ្ចើមផ្លូវគ្រួសក្រហមខាងស្តាំ ប៉ុន្តែរថយន្តនេះមិនមានការខូចខាតអ្វីធ្ងន់ធ្ងរទេ ហើយអ្នកបើកបរក៍បន្តដំណើរទៅភ្នំពេញបន្តទៀតមិនឈប់នៅរកខុសត្រូវអ្វីឡើយ ។ ក្រោយកើតហេតុ សមត្ថកិច្ច មានកងរាជអាវុធហត្ថស្នាក់ការសន្តិសុខ៤០១ និង នគរបាលអធិការដ្ឋាននគរបាលស្រុកព្រៃនប់មកអន្តរាគមន៍និងត្រួតពិនិត្យ ក៍មានការសង្ស័យទៅលើមនុស្សម្នាក់ក្នុងចំណោមជនជាតិចិន០៣នាក់មានយួរស្បោងពណ៍សមួយនៅឆ្ងាយពីគេ សមត្ថកិច្ចសុំត្រួតពិនិត្យ ប៉ុន្តែមិនទាន់បានឆែកផង ជនសង្យ័យទាំងបីនាក់ខាងលើក៍រត់គេចខ្លួនចូលក្នុងចំការដូងប្រេង ទម្លាក់ស្បោងនោះចោល ក្នុងនោះសមត្ថកិច្ចបានឆែកឃើញគ្រឿងញៀនប្រភេទ ម៉ាទឹកកកចំនួន៨កញ្ចប់ធំ ។ ក្រោយមកសមត្ថកិច្ចបានដេញរុករកជនសង្ស័យក្នុងព្រៃចំការដូងប្រេង រហូតដល់ម៉ោង៨,៣០នាទីព្រឹកថ្ងៃដដែល ទើបប្រទះឃើញនិងចាប់ខ្លួនបានម្នាក់ ។ ចំពោះមនុស្ស និងវត្ថុតាងខាងលើ រក្សាទុកនៅអធិការដ្ឋាននគរបាលស្រុកព្រៃនប់ ដើម្បីបន្តនិតិវិធី៕

សៀមរាប៖ ​បុរស​ម្នាក់​បាន​ស្លាប់​នៅ​កន្លែង​ ឯម​នុស្ស​៣​នាក់​ទៀត​បាន​រងរបួស​ធ្ងន់​ស្រាល ក្នុង​ហេតុការណ៍​គ្រោះថ្នាក់​ចរាច​ណ៍​ ដោយ​ម៉ូតូ​ពីរ​គ្រឿង​បុក​គ្នា​។​ ហេតុការណ៍ដ៍រន្ធត់នេះ បានកើតឡើង​នា​ព្រឹក​ថ្ងៃទី​២១​ ខែ​កុ​ម្ភៈ លើផ្លូវ​ជាតិ​លេខ​៦ ត្រង់ចំណុច​មុខ​សាលារៀន​បឋមសិក្សា​នរោត្តម​រា​ណា​រិទ្ធិ​ក្នុងភូមិ​ទឹកថ្លា ឃុំ​ខ្នាត​ស្រុក​ពួក ខេត្តសៀមរាប៕

ភ្នំពេញ៖ ស្ត្រីជនជាតិចិនម្នាក់ បើករថយន្តមួយគ្រឿងក្នុងល្បឿនយ៉ាងលឿនក្នុងស្ថានភាពស្រវឹងជោកជាំ ក៏រេចង្កូតទៅបុកស្លាកសញ្ញា បង្គោលភ្លើង និងបុកដើមឈើ បណ្តាលឲ្យរងការខូចខាតយ៉ាងដំណំ។ ហេតុការណ៍នេះ បានកើតឡើងកាលពីវេលាម៉ោង១០យប់ ថ្ងៃទី២០ ខែកុម្ភៈ ឆ្នាំ២០១៩ នៅតាមបណ្តោយផ្លូវព្រះនរោត្តមនៅចំណុចមុខធនាគារជាតិ ក្នុងសង្កាត់ផ្សារថ្មី១ ខណ្ឌដូនពេញ រាជធានីភ្នំពេញ៕

ភ្នំពេញ៖ យុវជនម្នាក់បបួលកូនស្រីគេដេកមួយយប់ លុះស្អែកឡើងខាងស្រីនាំឪពុកម្តាយខ្លួនទៅដល់បន្ទប់ ហើយនាំយក មកកាន់ប៉ុស្តិ៍នគរបាលអោយសមត្ថកិច្ចចាត់ការទៅតាមពាក្យបណ្តឹង។ ហេតុការណ៍ឃាត់ខ្លួនយុវជននេះប្រគល់អោយប៉ូលិសនេះ បានធ្វើឡើងកាលពីល្ងាចថ្ងៃទី២០កុម្ភៈ ឆ្នាំ ២០១៩ នៅចំណុចបន្ទប់ជួលលេខ៣៤ ជាន់ទី៤ ផ្លូវ៩០៧ ក្រុមទី៥ ភូមិចុងខ្សាច់សង្កាត់ទួលសងែ្ក១ ខណ្ឌឬស្សីកែវ។ សមត្ថកិច្ចថា ជនរងគ្រោះឈ្មោះ ដ.ណ ភេទស្រី អាយុ១៦ឆ្នាំ ជនជាតិខ្មែរ មុខរបរសិស្ស ហើយជនសង្ស័យឈ្មោះ យឹម សាន់ប៊ុនណា ភេទប្រុសអាយុ២០ ឆ្នាំ ជនជាតិខ្មែរមុខរបរនិស្សិត មានទីលំនៅបន្ទប់ជួលកើត ហេតុខាងលើ។ យោងតាមរបាយការណ៍សមត្ថកិច្ចបានឲ្យដឹងថា នៅយប់ថែ្ងទី១៩ខែកុម្ភៈឆ្នាំ២០១៩ វេលាម៉ោងង១១និង០០នាទី យប់ ជនរងគ្រោះនិងជនសង្ស័យរួមទាំងមិត្តភ័ក្រ្តមា្នក់ទៀតឈ្មោះ នីតា ដែលបានសា្គល់ជនរងគ្រោះ(ជិតដិត)បានចេញពីកន្លែងផឹកសុីនៅហាងលេខ៩៩ម្តុំវត្តភ្នំ រួចហើយអ្នកទាំងបីបានហៅម៉ូតូកង់បីឥណ្ឌាជិះមកផ្ទះទាំងអស់គា្ន ហើយឈ្មោះ នីតា បានចុះពីលើម៉ូតូកង់បីដើរសំដៅចូលទៅផ្ទះរបស់ខ្លួន។ ពេលនោះជនសង្ស័យក៏ជូនជនរងគ្រោះទៅផ្ទះ ពេលទៅដល់ជិតផ្ទះជនរងគ្រោះ ក៏បានចុះដើរបានបន្តិច ស្រាប់តែជនសង្ស័យហៅជនរងគ្រោះត្រលប់មកវិញឡើង ជិះម៉ូតូកង់បីឥណ្ឌាមកដេកនៅបន្ទប់ជួលលេខ៣៤ជាន់ទី៤ របស់ជនសង្ស័យ។ លុះនៅវេលាម៉ោង១និង០០នាទីរំលងអាធ្រាតចូលថៃ្ងទី២០ ខែ កុម្ភៈឆ្នាំ២០១៩ ជនសង្ស័យបានរំលោភសេពសន្ទវះបានមួយលើក ។ លុះនៅវេលាម៉ោងង០៦និង៣០នាទីល្ងាចថ្ងៃដដល ឪពុកមា្តយជនរងគ្រោះបាននាំជនរងគ្រោះទៅដល់បន្ទប់ជួលជនសង្ស័យហើយក៏នាំជនសង្ស័យយកមកប្រគល់ជូនកំលាំងសម្ថកិច្ច ចាត់ការតាមផ្លូវច្បាប់តែម្តង។ បច្ចុប្បន្នជនសង្ស័យ កំពុងត្រូវបានឃាត់ខ្លួននៅអធិការដ្ឋាននគរបាលខណ្ឌឬស្សីកែវ ដើម្បីចាត់ការទៅតាមនីតិវិធី៕